ଜଗଦ୍ ଗୁରୁ ଉପାଧି ପ୍ରାପ୍ତ ପରେ ଶ୍ରୀ ମହାରାଜ୍ ଜୀ ଭାରତର ବିଭିନ୍ନ ପ୍ରାନ୍ତରେ ଦୀର୍ଘ ୧୪ ବର୍ଷ ଧରି ଭ୍ରମଣ କରିଥିଲେ । ସେ ପ୍ରତ୍ୟେକ ସହରରେ ମାସ ମାସ ଧରି ହଜାର ହଜାର ଦର୍ଶକଙ୍କ ଉପସ୍ଥିତିରେ ବକ୍ତବ୍ୟ ପ୍ରଦାନ କରିଥିଲେ, ଯେଉଁଥିରେ ସେ ବେଦ, ଉପନିଷଦ୍, ଭଗବଦ୍ ଗୀତା, ରାମାୟଣ, ଭାଗବତ ଏବଂ ଅନ୍ୟାନ୍ୟ ଈଶ୍ୱରୀୟ ଶାସ୍ତ୍ରର ରହସ୍ୟ ଉନ୍ମୋଚନ କରିଥିଲେ । ଏପରି ଜଣେ ଅସାଧାରଣ ବିଦ୍ୱାନ ପଣ୍ଡିତ ଏବଂ ସନ୍ଥଙ୍କ ଦର୍ଶନ ପାଇଁ ସ୍ଥାନଟିରେ ଖୁବ ଭିଡ଼ ହେବାରେ ଲାଗିଥିଲା । ଯାହାଙ୍କର ପ୍ରତ୍ୟେକ ଶବ୍ଦ  ଦର୍ଶକଙ୍କୁ ମନ୍ତ୍ରମୁଗ୍ଧ କରିଥିଲା । ଶ୍ରୀ ମହାରାଜଜୀଙ୍କ ବକ୍ତୃତା, ଜନସାଧାରଣଙ୍କୁ ହାସ୍ୟରସ ପ୍ରଦାନ କରିବା ସହିତ ସାଂସାରିକ ଉଦାହରଣ, ବାସ୍ତବିକ ଜୀବନରେ ଘଟୁଥିବା ଘଟଣାବଳୀ ଜଡିତ ଥିବା ହେତୁ ସମସ୍ତେ ତାଙ୍କ ବକ୍ତବ୍ୟରେ ଆକର୍ଷିତ ହେଉଥିଲେ । ଏହା ଏକ ବିରଳ ଅନୁଭୂତି ଥିଲା ଯେ, ସେ ଅତ୍ୟନ୍ତ ସରଳ ଭାଷାରେ ଗଭୀର ଶାସ୍ତ୍ରୀୟ ତତ୍ତ୍ୱଗୁଡିକୁ ସମସ୍ତଙ୍କ ସମ୍ମୁଖରେ ଉପଲବ୍ଧ କରାଉ ଥିଲେ । ଏକ ଗୂଢ ବିଷୟ ଗଭୀର ଭାବରେ ଆଲୋଚନା ଏବଂ ପରମ ତତ୍ତ୍ୱର ବର୍ଣ୍ଣନା କରୁଥିବା ସମୟରେ, ଶ୍ରୀ ମହାରାଜ୍ ଜୀଙ୍କ ହୃଦୟସ୍ପର୍ଶୀ ଶବ୍ଦଗୁଡ଼ିକରେ ଏପରି ଦିବ୍ୟ ଶକ୍ତି ଥାଏ ଯେ, ଜଣେ ନାସ୍ତିକର ହୃଦୟ ମଧ୍ୟ ତରଳି ଯାଇଥାଏ ।

ଜଗଦ୍ ଗୁରୁ ଶ୍ରୀ କୃପାଳୁ ଜୀ ମହାରାଜ, ଶ୍ରୀ ରାଧା-କୃଷ୍ଣଙ୍କର ଦିବ୍ୟ ଲୀଳାର ଖୁବ୍ ଉତ୍ତମ ଭାବରେ ବିସ୍ତୃତ ବର୍ଣ୍ଣନା କରି ଅନେକ ପୁସ୍ତକ ରଚନା କରିଛନ୍ତି ।ସାଧୁସନ୍ଥଙ୍କ ସମଗ୍ର ଇତିହାସରେ ଶ୍ରୀ ମହାରାଜ୍ ଜୀଙ୍କର ରଚନା ଶୈଳୀ ଅତୁଳନୀୟ, ଅଦ୍ୱିତୀୟ : ପ୍ରଥମେ, ସେ ଏକ ପଦ କିମ୍ବା କୀର୍ତ୍ତନ କରିବା ସମୟରେ ସେଥିରେ ଗୋଟିଏ ଗୋଟିଏ ଧାଡ଼ି ଯୋଗ କରି ଚାଲିଥାନ୍ତି ଏବଂ ଶେଷରେ ତାହା ଏକ ଖୁବ ସୁନ୍ଦର କୀର୍ତ୍ତନର ରୂପ ପାଇଥାଏ । ଶ୍ରୀ ରାଧା-କୃଷ୍ଣ ଭକ୍ତି ସାଗରର ପରିକାଷ୍ଠା ସ୍ୱରୂପ ଶ୍ରୀ କୃପାଳୁ ଜୀ ମହାରାଜ୍‌ ଜୀଙ୍କର ଏକ ମୁଖ୍ୟ ସୃଷ୍ଟିକୁ “ପ୍ରେମ ରସ ମଦିରା” କିମ୍ବା “ଦିବ୍ୟ ପ୍ରେମର ରସ” ଭାବରେ ନାମିତ କରାଯାଇଛି । ଜଣେ ଭକ୍ତଙ୍କର ଏହି ନାମର ଏକ ଆକ୍ଷରିକ (ଭର୍ବାଟିମ୍) ଅନୁବାଦ ହେଉଛି  ଏକ ବୃଥା ପ୍ରୟାସ । ଶ୍ରୀ ମହାରାଜ୍ ଜୀଙ୍କ ଦ୍ୱାରା ଲିଖିତ ପଦ ଏବଂ ସଂକୀର୍ତ୍ତନର ଗଭୀରତା, କବିତ୍ଵର ଉଜ୍ଜ୍ୱଳତା ଏବଂ ମହାନତାକୁ ବର୍ଣ୍ଣନା କରିବାକୁ ଯାଇ, ଶବ୍ଦଗୁଡ଼ିକ କମ୍ ପଡୁଥିବା ପରି ମନେହୁଏ । ତାଙ୍କ ଦ୍ୱାରା ରଚିତ କୀର୍ତ୍ତନ ଗାଇବା ଦ୍ୱାରା ହିଁ ଆମେ ହୃଦୟରୁ ନିର୍ଗତ ଶ୍ରୀ ରାଧା-କୃଷ୍ଣଙ୍କ ଦିବ୍ୟ ପ୍ରେମର ପ୍ରକୃତ ଆନନ୍ଦ ପାଇପାରିବା ।

ଶ୍ରୀ ମହାରାଜ୍ ଜୀଙ୍କ ସ୍ୱରଚିତ କୀର୍ତ୍ତନ, ଭକ୍ତି ଭାବର ଗଭୀରତା ପାଇଁ ବିଶ୍ୱ-ପ୍ରସିଦ୍ଧ ଅଟେ, ଯାହାଦ୍ଵାରା ଶ୍ରୀ ମହାରାଜ୍ ଜୀ ସାଧକଙ୍କ ମନ ଏବଂ ହୃଦୟରେ ଚିରଦିନ ପାଇଁ, ଭଗବତ୍-ପ୍ରାପ୍ତି ମାର୍ଗରେ ନିଷ୍କାମ ଭକ୍ତିର ଅଙ୍କୁରୋପଣ କରାଇଥାନ୍ତି । ଯେତେବେଳେ ଶ୍ରୀ ମହାରାଜୀ ପ୍ରାର୍ଥନା ଏବଂ ସାଧନା ହଲ୍ କୁ ପ୍ରବେଶ କରନ୍ତି, ସେତେବେଳେ ସାଧକମାନଙ୍କର କୀର୍ତ୍ତନ୍, ଉଚ୍ଚ ସ୍ୱରରେ ଗାନ ହେବା ପରି ମନେହୁଏ ଯେପରି କି ସାଧନା ହଲ୍ ର ପ୍ରତ୍ୟେକ ଅଂଶ ବିଶେଷ ମଧ୍ୟ ଆନନ୍ଦରେ ଉଲ୍ଲସିତ ହୋଇ ତାଳେ ତାଳେ ନାଚି ଉଠୁଥାଏ । ଏହିପରି ଅଦ୍ଭୁତ କୀର୍ତ୍ତନଗୁଡିକୁ ଗାନ କରିବା ଏବଂ ଏଥିରେ ଅଂଶଗ୍ରହଣ କରିବା ଦ୍ଵାରା, ସାଧକମାନଙ୍କ ମନ ସବୁଠୁ ଆଶ୍ଚର୍ଯ୍ୟାନ୍ୱିତ ଭାବେ ଶ୍ରୀ ରାଧା-କୃଷ୍ଣ ଭକ୍ତିରେ ଖୁବ ଅଗ୍ରଗତି କରିଥାଏ ।